Cambios na normativa de extintores

A partir de 10 de maio deixará de ser obrigatorio contar con extintores en vehículos de transporte de MMA inferior a 3,5 Tn, agás en transportes ADR

.
O 10 de abril de 2025 publicouse no BOE o Real Decreto 164/2025, de 4 de marzo, polo que se aproba o Regulamento de seguridade contra incendios nos establecementos industriais, en cuxa Disposición final terceira se recolle a modificación da Orde de 27 de xullo de 1999 pola que se determinan as condicións que deben reunir os extintores de incendios instalados en vehículos de transporte de persoas ou de mercadorías.Así, no que respecta especificamente a vehículos a motor e conxuntos de vehículos destinados ao transporte de mercadorías e cousas (ollo: carga xeral, non ADR), os cambios son os seguintes:
En esencia, esta modificación da Orde de 27 de xullo de 1999 non é máis que a adaptación á Orde PRE/52/2010, de 21 de xaneiro, pola que se modifican os anexos II, IX, XI, XII e XVIII do Regulamento Xeral de Vehículos, que en cuxo Anexo XII relativo aos accesorios, repostos e ferramentas dos vehículos recolle que a dotación de equipos homologados de extinción de incendios en vehículos destinados ao transporte de mercadorías é esixida cando superen os 3.500 kg de MMA.
Entrada en vigor

A entrada en vigor desta nova normativa, que basicamente supón a desaparición da obriga de contar con extintor en vehículos de MMA inferior a 3,5 toneladas, producirase ao mes da súa publicación no BOE, é dicir, o vindeiro 10 de maio de 2025.

Transporte de mercadorías perigosas (ADR)

Alternativamente ao indicado anteriormente, para os vehículos destinados ao transporte de mercadorías e cousas, tamén se considerará cumprido o requisito se se dispón da dotación mínima de extintores que se recolle en el Acordo sobre Transporte Internacional de Mercadorías Perigosas por Estrada ADR, en función da súa MMA.

Así mesmo, os vehículos de MMA inferior a 3.500 kg que transporten mercadorías ADR deberán seguir levando un extintor de 2 kg, inclusive nos supostos de transportes baixo as excepcións parciais relacionadas coas cantidades transportadas por unidade de transporte recollidas no 1.1.3.6 do ADR.

Chegan as 44 Ton

/0 Comentarios/en /por
Leer más
© Copyright - VIEIROS
Webinario informativo «Recupera o Imposto Hidrocarburos Autonómico 2013-1...Xubilación anticipada de condutores/as profesionais