Estado do paquete de axudas ao sector aprobadas en marzo pola guerra de Irán e novas axudas para o período 01/07/2026 – 30/09/2026
.
- O Goberno anuncia o desbloqueo final por parte de Bruxelas do pagamento das axudas ao carburante aprobadas en marzo, que previsiblemente se comezarán a cobrar no presente mes de xullo e publica un novo paquete de axudas para este novo trimestre, que en todo caso deberán ser refrendadas polo Congreso en primeira instancia e pola Comisión Europea en segunda
Primeiro paquete de axudas ao carburante aprobado en marzo (RDL 7/2026)
No que respecta ao primeiro paquete de axudas aprobado polo Goberno en marzo mediante o Decreto-Lei 7/2026 para o período de 22 de marzo a 30 de xuño de 2026, logo de 2 meses de negociacións do Ministerio de Transportes coa Comisión Europea, o 29 de xuño obtívose a validación definitiva de Bruxelas a este paquete. En consecuencia, este mes de xullo iniciarase o pagamento das medidas incluídas: 20 cts por litro para os vehículos que cumpren os requisitos do réxime de gasóleo profesional (GP) e a axuda directa para outros vehículos.
Para tal fin, o Ministerio de Facenda publicará en breve unha Orde Ministerial que estableza o procedemento de pagamento, xa que as empresas de transporte de maior tamaño deberán presentar unha declaración se operan vehículos de ambas as categorías (é dicir, os que poden acollerse á subvención do GP e os que poden optar á axuda directa para vehículos non incluídos nese réxime) ou se xestionan unha flota superior a aproximadamente 100 vehículos, aínda que estes só sexan elixibles para a axuda directa.
Segundo paquete de axudas ao carburante aprobado en xuño (RDL 18/2026)
O BOE de 30 de xuño publicou o novo Real Decreto-Lei 18/2026, de 29 de xuño, que inclúe as rebaixas tributarias sobre o imposto de hidrocarburos en particulares e profesionais e mais as axudas específicas ao sector do transporte por estrada, que se detallan a continuación.
Este segundo paquete está condicionado á súa validación polo Congreso dos Deputados nas próximas semanas e á posterior aprobación das axudas por parte da Comisión Europea. Polo tanto, ata que se obteñan ambas validacións, cómpre actuar con cautela respecto á concesión definitiva das axudas.
En todo caso, a continuación detallamos todas as medidas de axuda, as cales, por certo, non están suxeitas aos límites «de minimis»:
A) NOVAS REBAIXAS TRIBUTARIAS NO CARBURANTE
Desaparece a redución temporal do IVE aprobada en marzo e, no seu lugar, increméntanse as reducións do Imposto sobre Hidrocarburos aplicables á gasolina e ao gasóleo durante o período de 01/06/2026 a 30/09/2026, tanto para vehículos particulares como profesionais:
| I.V.E. | Desaparece a redución do 10% e vólvese ao tipo xeral do 21% | ||||||||
| IMPOSTO ESPECIAL DE HIDROCARBUROS (I.E.H.) | Redúcese por debaixo do límite legal dos 33 cts en litro aos seguintes valores:
Como consecuencia desta redución temporal do IEH, a devolución do GP de 4,9 cts/litro vixente ata marzo permanecerá suspendida, en principio, ata outubro. |
B) AXUDAS ESPECÍFICAS SECTOR TRANSPORTE POR ESTRADA
Ademais da redución do I.E.H. xa mencionada, inclúese unha axuda adicional para o sector do transporte por estrada, tal e como se detalla a continuación:
| VEHÍCULOS CON DEREITO A GP | En principio, non será necesario presentar ningunha solicitude nin declaración e a Axencia Tributaria aboará directamente cada mes as seguintes cantidades sobre os litros suministrados:
Non obstante, o Decreto-lei establece que estas cantidades poderían reducirse se se incrementase a bonificación do IEH debido á evolución dos prezos internacionais do petróleo. | ||||||||
| VEHÍCULOS SEN DEREITO A GP | Haberá que presentar unha declaración ante a Axencia Tributaria competente o formulario habilitado ao efecto, no que se indicará a conta bancaria designada para o pagamento da axuda, que deberá presentars entre 1 de setembro e 30 de outubro de 2026. Estas son as cantidades fixadas para cada tipoloxía vehículo, que poderán modificarse en función da evolución do prezo do petróleo a nivel internacional:
|
Do mesmo xeito que as axudas de marzo, os transportistas autónomos e as empresas que perciban estas vindeiras axudas teñen prohibido despedir traballadores por causas de forza maior ou por motivos económicos, técnicos, organizativos ou de produción derivados da situación que se aborda, ata o 30 de setembro de 2026. O incumprimento desta obriga comportará a devolución da axuda recibida e a declaración de nulidade do despedimento.
Modificación parcial da cláusula do gasóil
Este novo Decreto-Lei 18/2026 reitera que as medidas de axuda extraordinaria recollidas neste non se poden ter en conta á hora de calcular as revisións de prezos dos servizos de transporte en función das flutuacións do prezo do combustible (fórmula de indexación). Dito doutro modo, os cargadores e intermediarios non poden utilizar estas subvencións temporais no seu beneficio tratando de pagar menos aos transportistas polos servizos de transporte.
Por outra banda, o Decreto-Lei modifica o método de cálculo da variable «C» na fórmula de indexación, como consecuencia da redución do I.E.H. mencionada anteriormente. Por tanto, a determinación do coeficiente «C» xa non se baseará no prezo PAI do gasóleo (é dicir, o prezo antes de impostos), senón no prezo medio “Pmed”, definido como o prezo sen IVE pero incluíndo o imposto sobre hidrocarburos e descontando calquera bonificación fiscal aplicable ao gasóleo profesional vixente nese momento.
O efecto deste cambio é neutro, mais era necesario para garantir a coherencia nos resultados ao aplicar a fórmula, dadas as modificacións no IEH aprobadas neste Decreto-lei. En todo caso, a calculadora dispoñible na web do Ministerio de Transportes xa calcula automaticamente a variable C a partir dos novos criterios mencionados.
